გამოქვაბულში შეფარებულ დევნილ მამაკაცს ხილვა ეწყება: ის ხედავს სამყაროს აღსასრულს, თამდაბალი ქრისტეს შეუბრალებელ მეომრად დაბრუნებას, ჭირს, დაავადებებს, სასაკლაოებს, სისხლის მდინარეებს, ბოროტ მხეცებსა და სასტიკ განკითხვის დღეს. მორწმუნეები სამოთხეში მიდიან, ურწმუნოებს კი ცეცხლის უძირო ორმოში ყოფნა ესჯებათ. ეს არის იოანეს გამოცხადება, ახალი აღთქმის ბოლო წიგნი. მილიონობით ადამიანს სჯერა, რომ აპოკალიფსი ახლოსაა და ჩვენ ვართ ბოლო თაობის წარმომადგენლები. ხედავდა თუ არა იოანე კაცობრიობის მომავალს? თუ რევოლუციას აწყობდა ბოროტი იმპერიის წინააღმდეგ? იქნებ უბრალოდ ის ადამიანი იყო, რომელიც სიგიჟის ზღვარზე იდგა? შესაძლებელია თუ არა გამოცხადების წიგნის საიდუმლოებების გახსნა? ამის გარკვევას ამჯერად National Geographic-ი შეეცადა.
კატეგორია: National Geographic
ფინეთი – ათასი ტბის ქვეყანა
ფინურ ჰაერსა და სულში ისეთი სიცოცხლისუნარიანობა იგრძნობა, რომ მრავალი ადამიანისთვის ეს ქვეყანა მიმზიდველი ადგილია დასასვენებლად, სამოგზაუროდ თუ საცხოვრებლად. მიუხედავად იმისა, რომ სახელმწიფო ერთ-ერთ მოწინავე ადგილს იკავებს სოციალური და ეკონომიკური მაჩვენებლებით, მისი ტერიტორიის გარკვეული ნაწილი ჯერ კიდევ აუთვისებელი და დაუმუშავებელია. ფინეთში ნახავთ როგორც თანამედროვე და განვითარებულ დედაქალაქ ჰელსინკს, ისე ჩრდილოეთ და აღმოსავლეთ მხარეებში არსებულ ვრცელ ტყიან სივრცეებს, როგორიცაა ლემენიოკისა და ოულანკას ეროვნული პარკები. ეს ველური ბუნება არაჩვეულებრივია საზაფხულო ლაშქრობებისთვის. სწორედ ამ დროს ივსება ფინეთი სიცოცხლით, ტარდება უამრავი ფესტივალი, ხალხიც შესაბამის განწყობაზეა.
მეცნიერებმა სავარაუდოდ „ღმერთის ნაწილაკი” აღმოაჩინეს
ოთხშაბათ დილას (4.06.2012) ჟენევაში გამართულ აუდიენციაზე „ცერნის” გენერალურმა დირექტორმა როლფ ჰოიერმა დაადასტურა, რომ დიდ ადრონულ კოლაიდერზე მომუშავე ორი სხვადასხვა ჯგუფი 99%-ზე მეტითაა დარწმუნებული, რომ აღმოაჩინეს ჰიგსის ბოზონი, იგივე „ღმერთის ნაწილაკი”. ყოველ შემთხვევაში, ეს ნამდვილად არის აქამდე უცნობი ნაწილაკი, რომელიც ზუსტად იქ იყო, სადაც ჰიგსის არსებობას ვარაუდობდნენ.
გალაქტიკები
გალაქტიკა წარმოადგენს კოსმოსში არსებულ სისტემას, რომელიც შედგება მტვრისგან, აირისგან და უამრავი ვარსკვლავისგან. გალაქტიკების ზუსტი რიცხვის დადგენა ჯერჯერობით ვერ ხერხდება – მხოლოდ დაკვირვებად სამყაროში მათი რაოდენობა სავარაუდოდ 100 მილიარდია. ამ სისტემებიდან ზოგიერთი ჩვენს „ირმის ნახტომს” ჰგავს, ზოგიც ძალიან განსხვავებულია.
ადგილები, რომლებიც მალე სამუდამოდ შეიცვლებიან
გსურთ, მკვდარი ზღვის მარილიან წყლებზე იტივტივოთ? მაშინ ეს დაუყოვნებლივ გააკეთეთ, რადგან გიგანტური ტბის დონემ ბოლო 40 წლის განმავლობაში უკვე დაიწია 25 მეტრით. მკვდარი ზღვის სანაპირო, რომელიც ისრაელისა და იორდანიის საზღვარზეა, უკვე ითვლება დედამიწის ყველაზე დაბალ ადგილად. 1950-იანებში ახლო აღმოსავლეთის ქვეყნებმა მკვდარ ზღვას მდინარე იორდანედან მიწოდება შეუწყვიტეს, რათა სასმელი წყალი მოეპოვებინათ. ამან მნიშვნელოვნად დაწია მლაშე ტბის დონე და ტენდენცია ისევ გრძელდება წელიწადში 1 მეტრის მაჩვენებლით. ამჟამად წითელი ზღვის განვითარების პროექტი მუშაობს, რომ მკვდარი ზღვა ხელახლა შეივსოს წითელი ზღვის მეშვეობით, ასევე ადგენს უფრო მკაცრ ზომებს მიმდებარე გარემოს დასაცავად.
როგორ გადაჰქონდათ ქანდაკებები აღდგომის კუნძულზე?
საუკუნეების მანძილზე მეცნიერები ცდილობდნენ ამოეხსნათ, როგორ გადაჰქონდათ კოლოსალური ქვის ქანდაკებები აღდგომის კუნძულზე. ამ მრავალტონიან ქანდაკებებს ადგილობრივები ათრევდნენ ბორბლის, ამწესა და დიდი ცხოველების გარეშე. მეცნიერებმა წარსულში მრავალი ვერსია განიხილეს და ივარაუდეს, რომ ეს ხდებოდა გორგოლაჭების, თოკებისა და მარხილების დახმარებით. ამჟამად კი ახალი თეორიით გამოდის არქეოლოგების წყვილი – ტერი ჰანტი ჰავაის უნივერსიტეტიდან და კარლ ლიპო კალიფორნიის სახელმწიფო უნივერსიტეტიდან: შესაძლოა ამ საქმეში მხოლოდ თოკები და ადამიანური სამუშაო ძალა იყო ჩართული. National Geographic-ის მიერ დაფინანსებული ექსპერიმენტების მეშვეობით მათ აჩვენეს, რომ 18 კაცი და 3 გრძელი თოკი საკმარისია 3 მ სიმაღლისა და 5 ტონა წონის მოაის ქანდაკების გადასაადგილებლად.
სისხლის უძველესი უჯრედები და ახალი ინფორმაცია ყინულის კაცზე
ოტცის ყინულის კაცის ორგანიზმში მეცნიერებმა უძველესი სისხლი აღმოაჩინეს. გარდა ამისა, კვლევის შედეგები ამტკიცებს, რომ ქვის ხანის მსხვერპლი სწრაფად და შესაძლოა, უმტკივნეულოდაც მოკვდა.
ოტცის ყინულის კაცი გერმანია-იტალიის საზღვარზე, 3210 მეტრ სიმაღლეზე მდებარე ალპურ მყინვართან აღმოაჩინეს 1991 წელს და მას შემდეგ მრავალი გამოკვლევისა და დაკვირვების საგანი გახდა. ოტცი წარმოადგენს ევროპის უძველეს ბუნებრივ მუმიას, რომელიც 5300 წლის წინ ცხოვრობდა. ამჟამად ის იტალიაში, სამხრეთ ტიროლის არქეოლოგიურ მუზეუმში ინახება.
მანათობელი ცხოველები მეცნიერების სამსახურში
მედუზა Aequorea victoria
როგორ ანათებს?
მწვანე მანათობელი ცილებით, რომლებიც ბუნებრივად აქვს
რაში გვეხმარება?
1961 წელს მასაჩუსეტსის საზღვაო ბიოლოგიის ლაბორატორიის მკვლევარმა ოსამუ შიმომურამ ამ მედუზაში აღმოაჩინა მოლეკულა, რომელიც ულტრაიისფერი განათების ქვეშ ღია მწვანედ კაშკაშებდა. 10 000 ნიმუშიდან გამოცალკევებულ მოლეკულებზე დაკვირვებით შიმომურამ ის ცილები აღმოაჩინა, რომლებიც ნათებას ქმნიდნენ. მას შემდეგ შიმომურას მწვანე მანათობელი ცილები გამოყენებულ იქნა მანამდე უხილავი პროცესების გასაშიფრად, როგორიცაა კიბოს გავრცელება ან ნერვული უჯრედების განვითარება, შიმომურამ და მისმა კოლეგებმა კი 2008 წელს ნობელის პრიზი აიღეს.
მანათობელი ცილები ასევე გამოიყენეს უცნაური არსებების შესაქმნელად, როგორიცაა ფლუორესცენციული ლეკვები, მაიმუნები, თაგვები, თევზები და ა.შ.
როგორ ჩაიძირა ტიტანიკი
ჯეიმს კამერონის გუნდმა შექმნა კომპიუტერული ანიმაცია, რომელიც ასახავს მათ ვერსიას „ტიტანიკის” ჩაძირვის შესახებ.
National Geographic-ის საინტერესო ვიდეოები
რამდენიმე საინტერესო ვიდეო National Geographic-ისგან ^_^
ჩრდილოეთის ციალი 