რთულია, დედამიწაზე მოიძებნოს მეორე ცხოველი, რომელსაც ადამიანზე ისეთი გავლენა ჰქონდა, როგორიც – მგელს. ნორვეგიულ მითოლოგიაში ისინი ღმერთები იყვნენ, ძველი რომაული ლეგენდით – რომულუსისა და რემუსის აღმზრდელები, შუა საუკუნეებში კი მაქციებზე, იგივე ადამიან-მგლებზე უამრავი თქმულება არსებობდა. რაც უფრო მნიშვნელოვანია, მგელი სავარაუდოდ იყო პირველი არსება, რომელიც ადამიანმა მოიშინაურა და მის შთამომავლებს დღეს შინაური ძაღლების სახელით ვიცნობთ. თუმცა თავად ეს პროცესი, რომელიც დაახლოებით 15 000 წლის წინ დაიწყო, დღემდე ბურუსითაა მოცული. სხვადასხვა დროს მგლები ჩვენთვის იყვნენ როგორც ყველაზე ახლო მეგობრები, ისე ყველაზე მძვინვარე მტრები.
როდის, როგორ და რატომ დატოვებენ ადამიანები დედამიწას?
დედამიწა ჩვენი სამუდამო თავშესაფარი ვერ იქნება. დაახლოებით 2 მილიარდ წელიწადში გაფართოებადი მზე ამოაშრობს ოკეანეებს და ეს ლურჯი პლანეტა სამყაროში არსებულ სიცოცხლისთვის უვარგის მრავალ პლანეტათა რიცხვს შეუერთდება. თუმცა მანამდე შეიძლება ანდრომედას გალაქტიკასთან შეჯახებამ მოუღოს ბოლო აქაურობას. უფრო მეტიც, დედამიწას ელის მისი ორბიტული გზის სიახლოვეს მქროლავი 1000 კმ სიგანის ასტეროიდების მესამედის ჩამოცვენა – ეს მოვლენა ყოველ 300 000 წელიწადში ერთხელ ხდება.
ყველაზე საშიში ვეგეტარიანელი ცხოველები
როცა საუბარია საშიშ არსებებზე, პირველ რიგში გვახსენდება მტაცებლები – ვეფხვები, ლომები, დათვები და ა.შ. როგორც წესი, ბალახისმჭამელ ცხოველებს ნაკლებად აღვიქვამთ მკვლელებად. თუმცა ბუნებაში გამონაკლისებიც არსებობს და ვეგეტარიანელი სახეობების ნაწილი მტაცებლებზე არანაკლებ საშიშია. ზოგიერთ მათგანს უვნებლად და თვინიერად ვთვლით, თუმცა გარკვეულ სიტუაციებში ისინი საოცრად აგრესიულები ხდებიან.
ყველაზე მწარე ნესტრის მქონე არსებები
ბევრ ჩვენგანს გამოუცდია ფუტკრის ნესტრისგან გამოწვეული ტკივილი, თუმცა საბედნიეროდ არ ვიცით, როგორია ტარანტულის ბზიკის ან ცეცხლოვანი ჭიანჭველების ნაკბენი. ჩვენგან განსხვავებით ჯასტინ შმიდტმა არამარტო ეს სამი, არამედ 147 სხვა სახეობის ნესტრის სიმწარე და მათგან გამოწვეული წვის შეგრძნება იგემა საკუთარ თავზე.
ბაჩა ბაზი – პედოფილია ავღანურად
ბაჩა ბაზი, რაც სპარსულ ენაზე „ბიჭებთან თამაშს” ნიშნავს, სექსუალური მონობისა და ბავშვების პროსტიტუციის ერთ-ერთი სახეა. ავღანეთში მას უკვე საკმაოდ დიდი ხნის ისტორია აქვს და ერთგვარად ტრადიციის ფორმაც მიიღო, ამიტომ ბაჩა ბაზის ბიზნესი, როგორც იტყვიან, ყვავის. თუმცა ცოტა არ იყოს, ძნელი დასაჯერებელია, რომ პროგრესისა და განათლების საუკუნეში ამგვარი რამეები ისევ ხდება.
არქიმედეს საიდუმლო
ეს არის ისტორია წიგნისა, რომელსაც შეეძლო, მსოფლიოს ბედი შეეცვალა, თუმცა ათას წელზე მეტი ხნის განმავლობაში დაკარგულად ითვლებოდა. წიგნი შეიცავს ჩანაწერებს იმ იდეებზე, რომლებიც ეკუთვნოდა ისტორიის ერთ-ერთი უდიდეს ადამიანსა და გენიოს მათემატიკოსს, თავის ეპოქაზე საუკუნეებით წინ მდგომ მეცნიერს – არქიმედეს.
სტივენ ჰოკინგი უცხოპლანეტელების შესახებ
გამარჯობა. ჩემი სახელია სტივენ ჰოკინგი. ფიზიკოსი, კოსმოლოგი და რაღაც კუთხით მეოცნებეც ვარ. მიუხედავად იმისა, რომ ვერ ვმოძრაობ და ლაპარაკში კომპიუტერი მეხმარება, გონებით თავისუფალი ვარ. თავისუფალი, რათა გამოვიკვლიო სამყარო და დავსვა მნიშვნელოვანი კითხვები, როგორიცაა: არსებობენ თუ არა უცხოპლანეტელები? თუ არსებობენ, სად შეიძლება მათი პოვნა? როგორ გამოიყურებიან? რისგან შედგებიან? არიან თუ არა ინტელექტუალურები? და თუკი მათ ვიპოვით, როგორი გავლენა ექნება ამას კაცობრიობაზე?
სასკოლო ხოცვა-ჟლეტებისას წარმოთქმული ცნობილი ფრაზები
უცნაური და ტვინის ამრევი საკითხია, რატომ უნდა მოუნდეს ადამიანს, შევიდეს სკოლაში და მოსწავლეების ხოცვა დაიწყოს? 2012 წელს საგანმანათლებლო ორგანიზაციებმა სპეციალური პროგრამები შეიმუშავეს, რომელთა მიზანია, შეამციროს მსგავსი შემთხვევების მოხდენის ალბათობა და მოსწავლეებში აგრესია გაანელოს. სკოლებმა უფრო მეტად გაამკაცრეს მეთვალყურეობა და შენობაში იარაღის ტარებაზე კონტროლი. სამთავრობო ორგანიზაციები ყურადღებით ეკიდებიან ინტერნეტში განთავსებულ მუქარის წერილებსაც.
იმ ადამიანთა უმეტესობა, რომელიც სკოლაში მოსწავლეებს ხოცავს, შემთხვევიდან მალევე თავს იკლავს. ეს სავარაუდოდ იმაზე მიგვანიშნებს, რომ დამნაშავეებს არ სურთ მათი ქმედების მნიშვნელობისა და შედეგის გაცნობიერება. ამის გამო პოლიციასაც არ ეძლევა მათი დაკითხვის და შესაბამისად, მოტივის გამოაშკარავების საშუალება. ამ ტიპის მკვლელები დანაშაულის ჩადენის მომენტში ჩუმად არიან და იშვიათად ლაპარაკობენ, მაშინაც ლაკონური ფრაზებით შემოიფარგლებიან. კვლევები აჩვენებს, რომ ასეთი ადამიანები უმეტესწილად საზოგადოებისგან გარიყულნი არიან, მსხვერპლთა დახოცვისას კი ახასიათებთ შეუბრალებლობა და საერთოდ არ განიცდიან სინდისის ქენჯნას.
ციდან დანახული დედამიწა #2
იან ართუს-ბერტრანის ცნობილი ფოტოსერიის გაგრძელება.
ციდან დანახული დედამიწა
იან ართუს-ბერტრანი არის ფრანგი ფოტოგრაფი და ფოტოჟურნალისტი, ასევე საპატიო ორდენისა და მრავალი ჯილდოს მფლობელი. განსაკუთრებული პოპულარობა მას მოუტანა ფოტოების სერიამ, რომელშიც დედამიწის სხვადასხვა ადგილები საჰაერო ხედიდანაა გადაღებული. მას ასევე გამოშვებული აქვს 60-მდე წიგნი, სადაც საჰაერო ფოტოგრაფიის ნიმუშებია წარმოჩენილი. მთლიანობაში მსოფლიო მასშტაბით ართუს-ბერტრანის ფოტოებიანი 3 მილიონი წიგნია გაყიდული.
ჩრდილოეთის ციალი 