ქალაქ ნიუ-იორკში ადამიანის ფორმის 3 ცალი რადიო კონტროლირებადი (RC) სათამაშო თვითმფრინავი გაუშვეს, რათა შექმნილიყო ილუზია, რომ ცაში ადამიანები დაფრინავენ.
კატეგორია: ნიუსი
რობოტი, რომელიც ახალშობილს ბაძავს
ბავშვის ზომის რობოტი შექმნილია ისე, რომ ზუსტად გაიმეოროს ჩვილის მოძრაობები და მიმიკები, მათ შორის ქვეცნობიერი რეფლექსები.
საავადმყოფოსკენ მიმავალ გზაზე მექსიკელებს გადასანერგი გული დაუვარდათ
მექსიკის დედაქალაქ მეხიკოში სამედიცინო თანამშრომლებს ტრანსპლანტაციისთვის განკუთვნილი გული გადაჰქონდათ პოლიციის ვერტმფრენიდან საავადმყოფოში, მაგრამ სიჩქარეში ყუთი ამოუტრიალდათ და სასიცოცხლოდ მნიშვნელოვანი ორგანო ძირს დავარდა. საბედნიეროდ, როგორც ექიმებმა განაცხადეს, ამ ინციდენტს ოპერაციისთვის ხელი არ შეუშლია და პაციენტი ახალი გულით თავს კარგად გრძნობს.
კრევეტი, რომლის მოხარშვაც შეუძლებელია
მეცნიერები წააწყდნენ კრევეტის აქამდე უცნობ სახეობას, რომლის საბინადრო არეალშიც წყლის ტემპერატურა 4-ჯერ აღემატება დუღილისას. ეს უცნაური არსება ზღვის დონიდან ნებისმიერ სხვა კრევეტზე უფრო დაბლა ბინადრობს.
ფაილების გაზიარება შვედეთში რელიგიად იქცა
კოპიმიზმის ეკლესია, რომლის მთავარი დოგმაც ფაილების გაზიარებაა, შვედეთის მთავრობამ უკვე გამოაცხადა რელიგიად. მიმდინარეობის სულიერი ლიდერის თქმით, ეს დიდი ნაბიჯია, თუმცა სხვები ნაკლებად აღფრთოვანდნენ ამ სიახლით და იმედოვნებენ, რომ კოპიმიზმს არ ექნება მნიშვნელოვანი გავლენა ინტერნეტ-მეკობრეობასთან ბრძოლის საქმეში.
ჩინეთში 30 სართულიანი სასტუმრო 15 დღეში ააშენეს (ვიდეო)
რა შეგიძლიათ გააკეთოთ 360 საათში? ჩინურმა სამშენებლო კომპანია “Broad Group”-მა ზუსტად ამდენი მოანდომა 30 სართულიანი შენობის აგებას ჰუნანის პროვინციაში, დონგტინგის ტბის სიახლოვეს. სიჩქარის მიუხედავად, უსაფრთხოების ნორმები სრულადაა დაცული – სასტუმრო 9 ბალიან მიწისძვრას უძლებს.
ვიეტნამმა პირველი ვიდეოთამაში გამოუშვა
ვიეტნამმა გამოუშვა ვიდეოთამაში სახელად 7554, რომელიც 1954 წელს ფრანგებზე გამარჯვებას ეძღვნება. დასახელება მოდის ისტორიული თარიღიდან – 1954 წლის 7 მაისი. თამაშის პრეზენტაცია ვიეტნამში გასული წლის 16 დეკემბერს მოხდა, ჩრდილო ამერიკაში კი ამა წლის თებერვალშია დაგეგმილი. მისი დეველოპერია კომპანია “Emobi Games”, რომელმაც 7554-ის შესაქმნელად სამი წლის განმავლობაში დაახლოებით $800 000 დახარჯა.
სტივენ ჰოკინგი 70 წლის გახდა
დღეს, 8 იანვარს, ყველაზე ცნობილ თანამედროვე ფიზიკოსს სტივენ უილიამ ჰოკინგს 70 წელი შეუსრულდა. გარდა პროფესიული მოღვაწეობისა, ჰოკინგი იმითაცაა ცნობილი, რომ მან შოკში ჩააგდო ექიმები და მოლოდინი სასიამოვნოდ გაუცრუა: 21 წლის ასაკში მას მოტორული ნეირონების დეგენერაციის ერთ-ერთი ფორმა, ამიოტროფული გვერდითი სკლეროზი (ALS) დაუდგინეს და რამდენიმე წლის სიცოცხლე მისცეს. მაგრამ მას შემდეგ თითქმის 50 წელი გავიდა და სტივენმა არამარტო ცხოვრება განაგრძო, არამედ თავისი ეპოქის ყველაზე წარმატებულ ფიზიკოსად იქცა, დაამტკიცა რა შავი ხვრელების არსებობა და სერიოზული აღმოჩენები გააკეთა ადრეული სამყაროს შესწავლის სფეროში.
განაგრძე კითხვა
ანტარქტიდის სიახლოვეს მეცნიერებმა უცნაური არსებები აღმოაჩინეს
იეტი კიბორჩხალას აქამდე უცნობი სახეობის წარმომადგენლები იკრიბებიან ცხელ, მინერალებით მდიდარ ჰიდროთერმულ დინებებთან ანტარქტიდაში, ოკეანის წყლებში. მეცნიერების თქმით, ეს ადგილი ღრმა წყლებში მობინადრე უცნობი სახეობების “დაკარგული სამყაროა”.
საუკეთესო ადგილები სამოგზაუროდ 2012 წლისთვის
მოგზაურობას აპირებთ და ვერ გადაგიწყვეტიათ, საით გაეშუროთ? National Geographic-ის ჟურნალმა “Traveler” შეადგინა 20 პუნქტიანი სია 2012 წლის საუკეთესო ტურისტული წერტილების შესახებ. არჩევანი საკმაოდ ფართო და მრავალფეროვანია – ხორვატიის რომანტიკული გორაკებიდან ტაილანდის საუცხოო პლაჟებისკენ.
ჩრდილოეთის ციალი 