“გუგლის” სოციალური ქსელი ნელ-ნელა იკრებს ძალას. ამერიკელი ანალიტიკოსის, პოლ ალენის თქმით, 2012 წლის ბოლოს Google Plus-ის წევრთა რაოდენობა 400 მილიონს გადააჭარბებს. პროექტის ოფიციალური პრეზენტაცია სექტემბერში მოხდა და ყოველდღიურად დაახლოებით 625 000 ახალი მომხმარებელი ემატება. დეკემბრის ბოლოს სოციალური ქსელი 62 მილიონიან ნიშნულს გადაცდა, რომელთაგან მეოთხედი ბოლო 1 თვეშია რეგისტრირებული. ამაში “გუგლს” ხელს უწყობს ის ფაქტი, რომ ყოველდღე “ანდროიდის” 700 000 მოწყობილობა იყიდება, რაც Google Plus-ზე რეგისტრაციას აადვილებს.
კატეგორია: ვიდეო
ჩრდილო კორეელების ისტერიკა კიმ ჩენ ირის გარდაცვალებასთან დაკავშირებით
17 დეკემბერს გულის შეტევით გარდაიცვალა კორეის სახალხო-დემოკრატიული რესპუბლიკის ლიდერი კიმ ჩენ ირი. რიგითი მოქალაქეები ცხარე ცრემლებით გლოვობენ ამ ამბავს
აქციის ჩახშობა ეგვიპტეში (ვიდეო)
ალბათ იცით, რომ ეგვიპტეში არეულობის ახალი ტალღაა – ამბოხებულები სამხედრო საბჭოს მმართველობას აპროტესტებენ. პოლიციასა და აქციის მონაწილეთა შორის რამდენჯერმე მწვავე შეხლა-შემოხლა დაფიქსირდა. ეს ვიდეო გადაღებულია 17 დეკემბერს, სადაც “სამართალდამცავები” სასტიკად უსწორდებიან დემონსტრანტებს.
კამერა, რომელიც ვიდეოს სინათლის სიჩქარით იღებს
50 წლის წინ პირველად მოხდა მოძრავი ტყვიის კამერით დაფიქსირება, მაგრამ ამჟამად ტექნოლოგია გაცილებით წინ წავიდა. მასაჩუსეტსის ტექნოლოგიურ ინსტიტუტში მეცნიერთა ჯგუფმა შექმნა აპარატურა, რომელიც წამში ტრილიონ კადრს იღებს. ეს სრულიად საკმარისია იმისთვის, რომ სინათლის ნაწილაკების ობიექტებს შორის მოძრაობა ვიდეოში აღიბეჭდოს.
2011 წლის მნიშვნელოვანი მოვლენები (ვიდეო)
გასული წლის მნიშვნელოვანი მოვლენები.
ბრიტანელმა მღვდელმა შობის ამბავი გარეპა
გევინ ტაიტი, იგივე TyTe, 39 წლის ბრიტანელი მღვდელია, რომელმაც ქადაგების ცოტათი უჩვეულო ფორმა აირჩია – ბითბოქსი და რეპი. ამ მეთოდს ის ძირითადად ახალგაზრდებთან იყენებს. ამჟამად მან საშობაო ისტორია გარეპა 
დედამიწის ამოსვლა KAGUYA-ს მიერ
მთვარის გარშემო მოძრავმა იაპონურმა თანამგზავრმა “კაგუიამ” 2008 წლის 5 აპრილს გადაიღო დედამიწის ამოსვლა.
მოგზაურობა მარსის გარშემო 167 წამში
ყველგანმავალმა “Spirit”-მა 5 წელი, 3 თვე და 27 დღე გაატარა წითელ პლანეტაზე გაგზავნილი მისიის დროს, შემდგომ კი ქვიშაში ჩაეფლო, საიდანაც თავის დაღწევა ვეღარ შეძლო. მის მიერ გადაღებული 3500 სხვადასხვა სურათით მეცნიერებმა მარსის ზედაპირის ამსახველი ვიდეო შექმნეს. 2004 წლის იანვრიდან 2009 წლის აპრილამდე პერიოდში გადაღებული ფოტოები მოქცეულია დაახლოებით 3 წუთში, წამში 24 კადრის სიხშირით.
“Spirit”-მა მხოლოდ 4.8 მილის (7.7 კმ) გავლა მოასწრო, ამ მანძილზე ის შეისწავლიდა ქვებს, ადიოდა და ჩამოდიოდა Husband-ის გორაკზე, მიუყვებოდა Gusev-ის კრატერს და დადიოდა ფერად ნიადაგზე. “Spirit”-ის ერთ-ერთი უდიდესი აღმოჩენა მარსზე წყლის მიგნება გახლავთ კვარცით მდიდარ ადგილას.
2 წლის განმავლობაში უშედეგო ცდების შემდეგ, 2011 წლის 25 მაისს, “ნასამ” ოფიციალურად დაადასტურა “Spirit”-ის “სიკვდილი”.
ავსტრალიელი დიზაინერი წყალს ჰაერიდან იღებს
27 წლის ავსტრალიელმა დიზაინერმა ედვარდ ლინაკრმა მოიპოვა ჯეიმს დაისონის პრიზი გამოგონებისთვის, რომელსაც მეცნიერულზე უფრო მეტად მაგიის ელფერი აქვს. ედვარდის ტექნოლოგია ჰაერის მასებიდან წყალს ქაჩავს და მიწების ირიგაციას ახდენს. ამ ნოვაციამ შეიძლება სამუდამოდ მოაგვაროს გვალისგან დაზიანებული ტერიტორიების პრობლემა.
ტექნოლოგიას სახელად “Airdrop” ჰქვია. ის დაბალი ღირებულებისაა და არ სჭირდება ენერგიის დამატებითი წყარო. ავსტრალიაში თავს დამტყდარი საშინელი გვალვის შემდეგ ედვარდმა გამოსავლის ძებნა დაიწყო. მან შეისწავლა ნამიბიური ხოჭო, რომელიც ყველაზე მშრალ ადგილებში ბინადრობს. წელიწადში 130 მმ-მდე ნალექის პირობებში ხოჭო იმ ნამით საზრდოობს, რომელსაც დილით ადრე თავის ჰიდროფილურ კანზე აგროვებს. იგივე მეთოდით მუშაობს Airdrop, დაფუძნებულია რა იმ პრინციპზე, რომ ყველაზე მშრალი ჰაერიც კი შეიცავს წყლის მოლეკულებს და ტემპერატურის კლებით მისი გამოყოფაა შესაძლებელი. მიწისქვეშა მილების მეშვეობით Airdrop ტუმბავს ჰაერს, შემდეგ კი აგრილებს და მცენარეთა ფესვებს მიღებული წყლით ამარაგებს. უცხელეს უდაბნოშიც კი 1 კუბური მეტრიდან ამ მეთოდით მინიმუმ 11.5 მმ ნალექის მიღება შეიძლება.
E-Volo – მომავლის საფრენი აპარატის კიდევ ერთი კონცეპტი
ერთი შეხედვით, ეს მოწყობილობა კენგურუს ბურთს ჰგავს, რომელსაც ბოლოებში ვერტმფრენის მოდელები აქვს, თუმცა რეალურად 16 როტორიანი E-Volo ვერტმფრენის სრულიად ახალი სახეობაა, რომელსაც ჰაერში უმოძრაოდ ლივლივი შეუძლია. მისი ინჟინრის, ტომას სენკელის თქმით, ამ გამოგონებამ შეიძლება ტრანსპორტების რევოლუცია მოახდინოს. ელექტრული ვერტმფრენი ჯოისტიკით იმართება, მუშაობს ლითიუმ-იონის ბატარეებზე და 20 წუთი შეუძლია ფრენა. თუმცა იგეგმება ახლო მომავალში მისი დახვეწა და ფრენის ხანგრძლივობის 1 საათამდე აყვანა. საფრენი აპარატი მაშინაც მუშაობს, თუკი 16 როტორიდან 4 წყობიდან გამოვა.
ჩრდილოეთის ციალი 