მექსიკის დედაქალაქ მეხიკოში სამედიცინო თანამშრომლებს ტრანსპლანტაციისთვის განკუთვნილი გული გადაჰქონდათ პოლიციის ვერტმფრენიდან საავადმყოფოში, მაგრამ სიჩქარეში ყუთი ამოუტრიალდათ და სასიცოცხლოდ მნიშვნელოვანი ორგანო ძირს დავარდა. საბედნიეროდ, როგორც ექიმებმა განაცხადეს, ამ ინციდენტს ოპერაციისთვის ხელი არ შეუშლია და პაციენტი ახალი გულით თავს კარგად გრძნობს.
ბრიტანეთის ვირჯინის კუნძულები მყვინთავებისთვის ნამდვილი სამოთხეა თავთხელ წყლებში რიფების სიუხვის გამო, ხოლო წარსულში მცხოვრები რამდენიმე კაპიტნისთვის ეს ადგილი ჯოჯოხეთი აღმოჩნდა. აქ არც ისე იშვიათია ჩაძირული გემები. სურათზე ერთ-ერთ მათგანს ხედავთ – საბუქსირო გემს, რომლისთვისაც კარიბის ზღვა საფლავად იქცა.
მეცნიერები წააწყდნენ კრევეტის აქამდე უცნობ სახეობას, რომლის საბინადრო არეალშიც წყლის ტემპერატურა 4-ჯერ აღემატება დუღილისას. ეს უცნაური არსება ზღვის დონიდან ნებისმიერ სხვა კრევეტზე უფრო დაბლა ბინადრობს.
დრეზდენში გამართულ გამოფენაზე მეცნიერებმა წარმოადგინეს ადამიანის ევოლუციური ოჯახის ყველაზე შორეული წევრების გამოსახულებები, რომელთა მისაღებადაც სასამართლო მედიცინის ტექნოლოგია გამოიყენეს.
კოპიმიზმის ეკლესია, რომლის მთავარი დოგმაც ფაილების გაზიარებაა, შვედეთის მთავრობამ უკვე გამოაცხადა რელიგიად. მიმდინარეობის სულიერი ლიდერის თქმით, ეს დიდი ნაბიჯია, თუმცა სხვები ნაკლებად აღფრთოვანდნენ ამ სიახლით და იმედოვნებენ, რომ კოპიმიზმს არ ექნება მნიშვნელოვანი გავლენა ინტერნეტ-მეკობრეობასთან ბრძოლის საქმეში.
რა შეგიძლიათ გააკეთოთ 360 საათში? ჩინურმა სამშენებლო კომპანია “Broad Group”-მა ზუსტად ამდენი მოანდომა 30 სართულიანი შენობის აგებას ჰუნანის პროვინციაში, დონგტინგის ტბის სიახლოვეს. სიჩქარის მიუხედავად, უსაფრთხოების ნორმები სრულადაა დაცული – სასტუმრო 9 ბალიან მიწისძვრას უძლებს.
ანიმაციური სტუდია “პიქსარის” (Pixar) გულშემატკივრებს შეიძლება ეცნოთ მანქანა, რომელიც ბოლო 16 წლის განმავლობაში კომპანიის მიერ გადაღებულ თითქმის ყველა ფილმში გამოჩნდა. პირველად ის მაყურებლებმა “სათამაშოების ისტორიაში” (Toy Story) იხილეს, შემდეგ კი “რატატუიში” (Ratatouille), “ნემოს ძიებაში” (Finding Nemo), “მანქანებში” (Cars) და ა.შ.
ვიეტნამმა გამოუშვა ვიდეოთამაში სახელად 7554, რომელიც 1954 წელს ფრანგებზე გამარჯვებას ეძღვნება. დასახელება მოდის ისტორიული თარიღიდან – 1954 წლის 7 მაისი. თამაშის პრეზენტაცია ვიეტნამში გასული წლის 16 დეკემბერს მოხდა, ჩრდილო ამერიკაში კი ამა წლის თებერვალშია დაგეგმილი. მისი დეველოპერია კომპანია “Emobi Games”, რომელმაც 7554-ის შესაქმნელად სამი წლის განმავლობაში დაახლოებით $800 000 დახარჯა.
დღეს, 8 იანვარს, ყველაზე ცნობილ თანამედროვე ფიზიკოსს სტივენ უილიამ ჰოკინგს 70 წელი შეუსრულდა. გარდა პროფესიული მოღვაწეობისა, ჰოკინგი იმითაცაა ცნობილი, რომ მან შოკში ჩააგდო ექიმები და მოლოდინი სასიამოვნოდ გაუცრუა: 21 წლის ასაკში მას მოტორული ნეირონების დეგენერაციის ერთ-ერთი ფორმა, ამიოტროფული გვერდითი სკლეროზი (ALS) დაუდგინეს და რამდენიმე წლის სიცოცხლე მისცეს. მაგრამ მას შემდეგ თითქმის 50 წელი გავიდა და სტივენმა არამარტო ცხოვრება განაგრძო, არამედ თავისი ეპოქის ყველაზე წარმატებულ ფიზიკოსად იქცა, დაამტკიცა რა შავი ხვრელების არსებობა და სერიოზული აღმოჩენები გააკეთა ადრეული სამყაროს შესწავლის სფეროში.
განაგრძე კითხვა
ქმედება, რომელიც ერთი შეხედვით ფრიად კეთილშობილურია, შესაძლოა, კაცობრიობის ისტორიაში მოწყალების ყველაზე ცუდი მაგალითი იყოს. გერმანული არქივებიდან სააშკარაოზე გამოიტანეს ძველი გაზეთები, რომლებიც გვაუწყებენ, რომ ერთხელ 4 წლის ბიჭუნა დახრჩობას გადაარჩინეს. ერთი შეხედვით, ამაში გასაოცარი არაფერია, მაგრამ საქმე იმაშია, რომ ისტორიკოსების თქმით, ეს ბიჭი ადოლფ ჰიტლერი იყო.
ჩრდილოეთის ციალი 