პანდა დათვების ოჯახის ერთ-ერთი იშვიათი წევრია, რომელიც ამჟამად საფრთხის ქვეშ იმყოფება. დღედღეობით მისი მომავალი გაურკვეველია. ჩინეთის ეკონომიკა თანდათან ვითარდება, რის გამოც ამ სახეობას სულ უფრო მეტი ზიანი ადგება.
განაგრძე კითხვა

პლაცებო არის სამედიცინო დანიშნულების სიმულატორი, რომლის საშუალებითაც ექიმები ავადმყოფებს არწმუნებენ, რომ ის გამოჯანმრთელდება. პლაცებოთი მკურნალობის დროს ავადმყოფს აძლევენ რაიმე სახის აბს, აწვდიან არასწორ ინფორმაციას ან ატარებენ მასზე ცრუოპერაციას. ექიმი არწმუნებს, რომ ამ პროცედურის შემდეგ ის გამოჯანმრთელდება, მაგრამ უმალავს პლაცებოს ინერტულობის ფაქტს. ეს ქმედება საჭიროა იმისთვის, რომ პაციენტმა ირწმუნოს საკუთარი გამოჯანმრთელების შესახებ.
განაგრძე კითხვა

წარმოიდგინეთ ჯუნგლების ბინადარი ყველაზე საშიში, არასტაბილური და ძლიერი მტაცებლები. რომლები შეიძლება იყოს ეს? ლომი, ავაზა, ლეოპარდი, ვეფხვი, აფთარი? ეს არსებები, რომლებსაც შეუძლიათ ადამიანი რამდენიმე წამში დაგლიჯონ, კევინ რიჩარდსონისთვის უახლოესი მეგობრები და განუყრელი თანამგზავრები არიან.
განაგრძე კითხვა

პრისცილა ბეჯანო წვერებიანი ქალების ერთ-ერთი ცნობილი წარმომადგენელი იყო. სხვადასხვა დროს მან უამრავი მეტსახელი მიიღო, ყველაზე ხშირად კი უწოდებდნენ “პატარა თმიან გოგონას”, რომელიც მოგვიანებით გადააკეთეს და გახდა “მაიმუნი-გოგონა”.

პრისცილა დაიბადა 1911 წლის 26 აპრილს პუერტო რიკოს ქალაქ ბაიამონში. მას პატარაობიდანვე სჭირდა ჰიპერტრიქოზი (ჭარბთმიანობა კანის უბნებზე, რომლებზედაც ჩვეულებრივ თმა არ იზრდება), ასევე კბილები ორ რიგად ჰქონდა განლაგებული, რის გამოც უმალ მიიპყრო ცნობისმოყვარეებისა და ექიმების ყურადღება. პრისცილას მამა ჩვეულებრივი ესპანელი კაცი იყო და არ იცოდა, შვილისთვის რა მოეხერხებინა, ამიტომ აშშ-ში, ნიუ-იორკში გაემგზავრნენ. იმედი ჰქონდათ, რომ იქ კომპეტენტური ექიმებისგან მიიღებდნენ პასუხს.

ნიუ-იორკში პასუხების ძებნაში 7 თვე გაატარეს, შემდეგ კი პრისცილას მამას თავში აზრად მოუვიდა, შვილის სხეულით ფული ეშოვა. მაგრამ ინგლისურისა და ბიზნესის არასათანადო ცოდნის გამო საქმე ვერ ააწყო და დასახმარებლად მიმართა შოუმენ კარლ ლოთერს. ლოთერი რამდენიმე წარმატებულ შოუს მართავდა და გამოცდილი კაცი იყო. ის პრისცილათი დაინტერესდა და თავისთან აყვანა გადაწყვიტა. ასევე ეხმარებოდა ოჯახს ფინანსურადაც. მაგალითად, როცა პრისცილას დედა პუერტო რიკოში დაბრუნდა, ძიძა აუყვანა ბავშვს, მამის გარდაცვალების შემდეგ კი, მისი უკანასკნელი სურვილის თანახმად, გოგონა იშვილა.

განაგრძე კითხვა

იაპონელი მეცნიერები აპირებენ, მთვარის ზედაპირის ნაწილი მზის ბატარეებით დაფარონ, რათა მზის ენერგია დედამიწისკენ წამოვიდეს და ამ გზით ადამიანებს ენერგიის დამატებითი წყარო გაუჩნდეთ, ანუ მთვარე იქცეს ენერგიის ამრეკლად დედამიწის სასარგებლოდ. იდეა ფანტასტიკურად ჟღერს და sci-fi ფილმის სცენარს უფრო ჰგავს, თუმცა მეცნიერები სერიოზულად არიან განწყობილნი.
განაგრძე კითხვა

ტირანიას, როგორც წესი, განსაზღვრავენ ულმობელ და მჩაგვრელ მმართველობად. უმეტესად ასეც არის, თუმცა ზოგადად ტირანია ისეთი ხელისუფლების დროს მყარდება, რომელიც არაკანონიერად იქცევა. ეს შეიძლება იყოს როგორც კეთილისმოსურნე, ისე მტრული მთავრობა. ისტორიის მანძილზე მოწყალეთა ტირანია უსაფრთხოდ მიიჩნეოდა, თუმცა ძალაუფლების შენარჩუნებას ზეწოლითა და წნეხით ცდილობდნენ. ასე რომ ის, რაც ერთი შეხედვით უსაფრთხო ჩანდა, რეალურად საშიში აღმოჩნდებოდა ხოლმე. ტირანია მოქმედებს გარკვეული პრინციპებით, რომელთა მიხედვითაც მისი ამოცნობა საწყის ეტაპზევე შეიძლება. თუკი ხალხი ფხიზლადაა, მომზადებულია და სურს თავისუფლება, უნდა დაუპირსპირდეს მანამ, სანამ ღრმად გაიდგამს ფესვებს.

განაგრძე კითხვა

წლების განმავლობაში უამრავ ქალაქსა თუ ქვეყანაში სალაპარაკო თემად ჰქონდათ რობერტ ჰადლსტონის შემთხვევა, ავრცელებდნენ მის სურათებს, სადაც უჩვეულო პოზაში იყო გადაღებული. სხვადასხვა ქვეყნებში ჩატარებული წარმოდგენების დროს მისი ნამდვილი სახელი და ისტორია ნელ-ნელა დავიწყებას მიეცა, თუმცა მოგვიანებით აღდგენა მოხერხდა.

რობერტი დაავადებული იყო “გენუ რეკურვატუმის”, იგივე “უკანა მუხლის დეფორმირების” მძიმე ფორმით. მას არ შეეძლო სწორად, ორ ფეხზე დგომა, ვერ ხმარობდა ყავარჯნებს, ასე რომ ცხოვრება და გადაადგილება ოთხზე უწევდა. თითქოს ეს საშინელი დეფექტი იყო, მაგრამ რობერტი არ შეეპუა და საკმაოდ აქტიურად ცხოვრობდა.

განაგრძე კითხვა

ამ დაავადებას იქთიოზისი ჰქვია და ბერძნული ιχθύς-იდან მოდის, რომელიც თევზს ნიშნავს. ადამიანს ამ დროს კანი უხეში და უცნაური ფორმის აქვს, ჩამოჰგავს ალიგატორისას. სუზის კანი ტლანქი და ნახეთქებიანი იყო, ამიტომაც შეადარეს სპილოსას და მიიღო მეტსახელი “გოგონა-სპილო”.

სუზი 1909 წელს დაიბადა დასავლეთ ბერლინში. ბავშვობაში ეს დაავადება სწრაფად განვითარდა და კანი ნაცრისფერი გაუხდა, შეუსქელდა და გაუუხეშდა. ამას თან ახლდა საშინელი ტკივილები მთელი დღის განმავლობაში, რომელსაც გოგონა გმირულად უძლებდა. შემდგომში რამდენიმე ინფექციამ კიდევ უფრო გაურთულა მდგომარეობა და აუტანელი გახადა. ყველაზე მსუბუქი და ფაქიზი მოძრაობების დროსაც კი ტკივილსა და წვას გრძნობდა. ადრეულ წლებში თვალების ნორმალურად დახამხამებასაც კი ვერ ახერხებდა, რადგან კანი სკდომას იწყებდა.

Continue reading “სუზი – გოგონა-სპილო” →

აურელიო ტომაინი 1912 წელს დაიბადა ნიუ ჯერსიში. მას 6 და-ძმა ჰყავდა. 12 წლის ასაკში სიმაღლით მამას გადაასწრო, იმის მიუხედავად რომ ეს უკანასკნელი საკმაოდ მსხვილი აღნაგობისა იყო და 6 ფუტს (182 სმ) სცდებოდა. მისი მშობლები ჩვეულებრივი სიმაღლისანი იყვნენ, მსგავსი დარღვევით მხოლოდ მისი დიდი ბაბუა გამოირჩეოდა. ექიმმა X სხივების საშუალებით გამოიკვლია ალი და აღმოჩნდა, რომ მას ზეაქტიური ჰიპოფიზის ჯირკვალი ჰქონდა, რის გამოც მალე 2 მეტრს გადააჭარბა.

ალმა გადაწყვიტა, თავისი მონაცემებით ფული ეშოვა და წარმოდგენები მოეწყო ხოლმე. საკუთარ თავს ის უწოდებდა “მსოფლიოში ყველაზე მაღალ ადამიანს” და აცხადებდა, რომ 2 მეტრისა და 55 სმ სიმაღლის იყო (თუმცა გინესში შედარებით დაბალი მაჩვენებელი წერია). იწონიდა 160 კგ-ზე მეტს და ატარებდა 60 ზომაზე დიდ ფეხსაცმელებს. გასაოცარია, მაგრამ ასეთი მონაცემების მქონე სხვა ადამიანებისგან განსხვავებით, ალი საკმაოდ ჭკვიანი და სასიამოვნო ადამიანი იყო, ასევე გამოირჩეოდა მორცხვობით, ზრდილობითა და თავაზიანობით როგორც ახლობლებთან, ისე უცნობებთან.

განაგრძე კითხვა