ქვინსლენდის უნივერსიტეტში ლინგოდროიდის პროექტის ფარგლებში შექმნეს ისეთი რობოტები, რომელთაც შეუძლიათ საკუთარი ენის შექმნა და ამ ენაზე კომუნიკაცია. ეს მცდელობა პირველი არაა, მანამდე რობოტებს ჩვეულებრივ ენებს ასწავლიდნენ, რომ ადამიანებთან საუბარი შესძლებოდათ, თუმცა ლინგოდროიდის პროექტი პირველია, სადაც რობოტები თვითონ ქმნიან ენას. “სიტყვები” რეალურად ელექტრონული სიგნალებია, რომლებიც შემთხვევით შერჩეული მარცვლებით იქმნება და ტელეფონის ღილაკის ხმას ჰგავს. რობოტები ქმნიან საკუთარ სიტყვებს, რადგან ადამიანთა ენები მათთვის ძალიან რთული და კომპლექსურია, ძნელად ასათვისებელი.

ლინგოდროიდები ორბორბლიანი რობოტები არიან და მტვერსასრუტებს ჰგვანან, იყენებენ ჩაშენებულ კამერას, ბგერის არეკვლით სხვადასხვა ობიექტის აღმოსაჩენს სისტემასა (სონარს) და ლაზერულ მაძებარს მათ გარშემო სივრცის აღსაქმელად.

ჰოლანდიელმა მკვლევარებმა შეძლეს და გენეტიკური ინჟინერიის წყალობით გამოიყვანეს ისეთი ცხვრები, რომელთა რძე ობობის ქსელის ანალოგიურ პროტეინს შეიცავდა. შემდეგ რძიდან პროტეინი გამოწოვეს და მისგან შექმნეს ისეთი მასალა, რომელიც ფოლადზე 10-ჯერ მტკიცეა. ამ მასალით შესაძლებელია სხეულის დამცავი საფარის შექმნა – მას ტყვიის შეჩერებაც კი ძალუძს.

ის მთლად “ტერმინატორის” სკაინეტი არაა, თუმცა აქვს უნარი, თავისით ისწავლოს ის, რაც მის პროგრამაში არ დევს. იაპონელმა მეცნიერებმა ტოკიოს ტექნოლოგიის უნივერსიტეტიდან შექმნეს რობოტი, რომელიც ითვისებს გარკვეულ ფუნქციებს – ფუნქციებს, რომლებიც მისთვის არ ჩაუნერგავთ. მექანიზმი წარსულ გამოცდილებასა და ცოდნას იყენებს, რათა ახალ, უცნობ სიტუაციაში საუკეთესო გადაწყვეტილება მიიღოს. ჯერჯერობით, მისი შესაძლებლობები მწირია, მაგალითად, წყლიანი ჭიქის აღება და მასში ყინულის ჩადება. თუმცა იაპონელები იმედოვნებენ, რომ მსგავსი რობოტები ბავშვებივით შეიძენენ ახალ უნარებს და დროთა განმავლობაში განვითარდებიან.