მარჯვენა რობოტმა თვითცნობიერების ტესტის გავლა შეძლო
მეფე ახალ მრჩეველს ეძებს და საამისოდ სამ ბრძენ ადამიანს მოიხმობს სასახლეში. მეფე მათ ეტყვის, რომ თითოეულს დააფარებს ქუდს, რომელიც თეთრი ან ლურჯი იქნება და ქუდებიდან მინიმუმ ერთი ლურჯია. მრჩევლის თანამდებობის მოსაპოვებლად ბრძენმა ადამიანებმა უნდა გაარკვიონ, რა ფერის ქუდი ახურავთ ისე, რომ ერთმანეთს არ დაელაპარაკონ. რამდენიმე წუთის განმავლობაში ჩუმად ჯდომის შემდეგ ერთ-ერთი მათგანი დგება და სწორ პასუხს ამბობს.
ეს გამოცანა (ამოხსნა იხილეთ აქ) ლოგიკისა და თვითცნობიერების გამოსაცდელი ცნობილი ტესტია, მკვლევარების ჯგუფმა კი მსგავსი ტესტი შეადგინა რობოტებისთვის, რათა დაემტკიცებინათ, რომ ხელოვნურ ინტელექტს აქვს თვითცნობიერების უნარი – ცხადია, გარკვეულ საზღვრებში.
სამი ჰუმანოიდი Nao რობოტი დააპროგრამეს, რათა ეფიქრათ, რომ ორ მათგანს მიღებული ჰქონდა „სიმუნჯის აბი”, რაც მათ ლაპარაკში უშლიდათ ხელს. ყველა მათგანს ჰკითხეს „რომელი აბი მიიღე?”, მაგრამ რადგანაც ორი ჩუმად იყო, მხოლოდ ერთს შეეძლო პასუხის გაცემა და თქვა: „არ ვიცი”. თუმცა ვინაიდან ლაპარაკი შეუძლია, გამოდის, რომ აღნიშნული აბი არ მიუღია, ამიტომაც პასუხი შეცვალა: „უკაცრავად, ახლა ვიცი. მე დავამტკიცე, რომ სიმუნჯის აბი არ მიმიღია.”
ტესტის შედეგები, რომელზეც მუშაობდა რენსელერის ხელოვნური ინტელექტისა და აზროვნების (RAIR) ლაბორატორია, წლის ბოლოს წარმოდგენილი იქნება RO-MAN 2015-ის კონფერენციაზე. რენსელერის პოლიტექნიკური ინსტიტუტის მეცნიერმა და კვლევის ერთ-ერთმა ხელმძღვანელმა სელმერ ბრინგსჯორდმა ჟურნალ Vice-თან ინტერვიუში აღნიშნა, რომ ტესტი აჩვენებს „თვითცნობიერებასთან ლოგიკური და მათემატიკური კორელაციის” შესაძლებლობას, შესაბამისად შესაძლებელია რობოტების იმგვარად დაპროექტება, რომ მათი ქმედებები და გადაწყვეტილებები უფრო მაღალი დონის თვითცნობიერებას დაემსგავსოს.
მინიმუმ ჯერჯერობით არ ღირს ტერმინატორის მსგავსი მკვლელი რობოტების თავდასხმისთვის მზადება. უნდა აღინიშნოს, რომ ეს ტესტი აშკარად შეზღუდული იყო. თუმცა მაინც მიანიშნებს იმაზე, რომ თვითცნობიერება ისეთი რამაა, რისი დაპროგრამებაც შეიძლება და ხელოვნურ ინტელექტს უფრო ფართო შესაძლებლობებს ანიჭებს. რობოტების მიერ კითხვის აღქმა და საკუთარი ხმის გაგება თავსატეხის ამოსახსნელად მნიშვნელოვანი უნარის დემონსტრირებას წარმოადგენს.
„უამრავი დამატებითი ნაბიჯია, რომლის გადადგმაც მომავალში მოგვიწევს”, აღნიშნავენ მკვლევარები ნაშრომში. „თუმცა წინსვლის ერთადერთი გზა თითო-თითო ნაბიჯის გადადგმაა.”
 | სოფიკო კახიანის ნომე… კომენტარი საწოლის ბაღლინჯო ჩანაწერზე |
 | AVTANDIL KIKVADZE კომენტარი სტივენ ჰოკინგი: შავი ხვრელები… ჩანაწერზე |
 | Zaza კომენტარი რატომ უნდა ვენდოთ მეცნიერ… ჩანაწერზე |
| Zaza კომენტარი დამბლა ძილში – გღვიძავს, მაგრა… ჩანაწერზე |
| Zaza კომენტარი დამბლა ძილში – გღვიძავს, მაგრა… ჩანაწერზე |
 | Researcher კომენტარი დამბლა ძილში – გღვიძავს, მაგრა… ჩანაწერზე |
 | ნატალია კომენტარი დამბლა ძილში – გღვიძავს, მაგრა… ჩანაწერზე |
:)) პროგრამისტობა ცოტა ვიცი და ეს არის მარტივი პროგრამა რომელიც დაწერილია რა სიტუაციაზე რა უნდა ქნას, აქედან გამომდინარე ცნობიერის თვით განვითარებასთან ახლოსაც არაა, და არც იმასთან ხელოვნური ინტელექტი რაც უნდა იყოს. :)))
LikeLike
საქმეც მაგაშია, რომ იმგვარ დაპროგრამებაზეა საუბარი., რომელიც თვითცნობიერების (ანუ იდენტობის) ანალოგიური გახდება. რობოტი რომ დაპროგრამებულია, მაგაზე არავინ დავობს
LikeLike