Geminoid F – ყველაზე „ადამიანური” რობოტი


Geminoid F-ს მეორენაირად „ცოცხალ თოჯინასაც” უწოდებენ. აქამდე შექმნილი რობოტებიდან ის ყველაზე მეტად ჰგავს ადამიანს – შეუძლია 65 სხვადასხვა გამომეტყველების მიღება, ლაპარაკობს და მღერის კიდეც.

შესაძლოა, სულ რაღაც რამდენიმე თვე გვაშორებდეს იმ პერიოდამდე, როცა მომღერალთა ჯგუფებსა და ახალბედა მსახიობებს რობოტები ჩაანაცვლებენ. მრავალფუნქციურმა Geminoid F-მა ჰონგკონგში გამართული პრეზენტაციის შემდეგ ჩინეთის მოსახლეობაში დიდი მითქმა-მოთქმა გამოიწვია.

ამ ქმნილებას შეუძლია გაღიმება, ასევე უცნაური და დამცინავი მიმიკების გამოხატვაც კი. ამ ყველაფერს რეზინის კანის ქვეშ განლაგებული მექანიკური სტიმულატორები უზრუნველყოფენ.

როგორც Geminoid F-ის შემქმნელი ჰიროში იშიგურო ამბობს, მისი მიზანია ისეთი რობოტის შექმნა, რომელიც ადამიანის მაქსიმალურად ზუსტი ასლი იქნება და მრავალს დააჯერებს, თითქოს მექანიკური მოწყობილობა კი არა, ცოცხალი ორგანიზმია.

Geminoid F ჰონგკონგში 10 აპრილს

 

ჰიროში იშიგურო რობოტების ცნობილი დიზაინერია და დასავლეთ იაპონიაში, ოსაკას უნივერსიტეტში მოღვაწეობს. მისი ანდროიდები ხშირად 1 მილიონ დოლარზე ძვირად ფასობენ. თუმცა Geminoid F შედარებით იაფია – მისი ღირებულება „სულ რაღაც” 110 000 ამერიკულ დოლარს შეადგენს. შემოსულ თანხას იშიგურო რობოტების ტექნოლოგიის დახვეწა-გაუმჯობესებას მოახმარს.

ქალის ფორმის Geminoid F-ს შეუძლია გაიღიმოს, წარბები აწიოს, პირი ამოძრავოს, თუმცა უფრო ხშირად გაოცების მსგავსი გამომეტყველება აქვს. მის ფუნქციებში ასევე შედის ლაპარაკი და სიმღერა – უკრავს წინასწარ ჩაწერილ სიმღერებს ან იმეორებს სხვა ადამიანთა ხმებს.

რობოტის მექანიზმი აღჭურვილია 12 მოტორიზებული სტიმულატორით, რომლებიც ენერგიას ჰაერის წნევით იღებენ. ამის მეშვეობით Geminoid F ადამიანთა სახის გამომეტყველებებს „აკოპირებს”.

პროფესორ იშიგუროს წარსულშიც დაუმზადებია ისეთი რობოტები, რომლებიც ადამიანს გვაგონებდნენ, ერთ-ერთი მათგანი საკუთარი გარეგნობის მიხედვითაც კი შექმნა.

პროფესორის თქმით, ერთ დღესაც რობოტები გაგვაცურებენ და ისინი ადამიანში აგვერევა.
„რა არის ადამიანი?” კითხულობს ის. „თუ შეიძლება, მომეცით განსაზღვრება და ჩვენ მის ასლს შევქმნით”.

Advertisements

12 responses to “Geminoid F – ყველაზე „ადამიანური” რობოტი

  1. თაკოლადი 13/04/2012, 4:03 PM

    დროა გვეშინოდეს მსგავსი განივთარების : )))

    Like

    • ჭიამარია 14/04/2012, 8:58 AM

      მეც ასე მგონია…. რა არის კარგი იმაში რომ ჩვენი მსგავსი მაქნაები შევქმნათ…

      Like

      • Charlius 14/04/2012, 10:48 AM

        sci-fi სტატიებში მაქვს წაკითხული, რომ მომავალში მეძავის პროფესია შეიძლება გაქრეს და ეგ ფუნქცია მთლიანად რობოტმა შეითავსოს. მოახლოვდა ეტყობა ეგ დრო :დ

        Like

      • თაკოლადი 14/04/2012, 2:04 PM

        არც არაფერი,ამით ადამიანის რასას სერიოზული საფრთხე ელის,თუ ეს რობოტები წარმატებით განვითარდნენ

        Like

  2. თაკოლადი 13/04/2012, 4:04 PM

    Reblogged this on თაკოლადი and commented:
    ძალიან საინტერესო

    Like

  3. michael 14/04/2012, 5:21 PM

    ჯერ ჯერობით რობოტების არ უნდა გვეშინოდეს. იმიტომ რომ ისინი გონებრივი განვიტარებიტ მწერების დონეზე არიან, გარეგნობა და სიმღერა არაფერს ნიშნავს. მანამ კი სანამ რობოტები განვითარდებიან ადამიანის დონემდე ადამიანს საკმარისი დრო და რესურსი აქვს იმისთვის რომ საფრთის პრევენცია მოახდინოს. თვითონაა დიზაინერი და შეუძლია მას რაღაც გარკვეული მოქმედებები და განზრახვები შეუზღუდოს.მოკლედ ჯერ მაქამდე მაინც შორია. თუ არ იზრუნეს ადამიანებამ მანამდე სანამ რობოტები მართლა განვითარდებიან, მაშინ კი შეიძლება რეალური საფუძველი ქონდეს შიშს.

    Like

  4. bioblog.me 15/04/2012, 12:16 PM

    რამ შეგაშინათ, ჯერ მაგათ აჯანყებამდე ძალიან ადრეა ))))

    Like

  5. ninoabesadze95 16/04/2012, 9:39 PM

    am robotebis atana ar maqvs

    Like

  6. TM 11/07/2012, 3:52 PM

    exla gamaxsenda filmi “me roboti” :)))

    Like

დატოვე კომენტარი

Fill in your details below or click an icon to log in:

WordPress.com Logo

You are commenting using your WordPress.com account. Log Out /  შეცვლა )

Google+ photo

You are commenting using your Google+ account. Log Out /  შეცვლა )

Twitter picture

You are commenting using your Twitter account. Log Out /  შეცვლა )

Facebook photo

You are commenting using your Facebook account. Log Out /  შეცვლა )

Connecting to %s

%d bloggers like this: