ამერიკელმა ექიმებმა შიდსით დაავადებული ბავშვი განკურნეს


მისისიპის შტატის ექიმები მედიცინის ისტორიაში შევიდნენ მას შემდეგ, რაც შიდსით დაავადებული 2 წლის ბავშვი განკურნეს. პაციენტს ეს დაავადება დაბადებიდანვე სჭირდა. ეს არის პირველი დადასტურებული შემთხვევა, როცა მცირეწლოვანი პაციენტი შიდსისგან განიკურნა.

როგორც ექიმები აცხადებენ, პაციენტს ამჟამად მედიკამენტები აღარ სჭირდება, მისი ცხოვრება ჩვეულებრივად გრძელდება და ძალიან დაბალი შანსია იმისა, რომ მისგან ვინმე შიდსით დაავადდეს.

ექიმებმა და მეცნიერებმა დაზუსტებით ჯერაც არ იციან, რატომ გამოდგა მკურნალობა წარმატებული, მოულოდნელმა გამარჯვებამ გაზარდა იმედი, რომ მსგავსი თერაპიით ექიმები მომავალშიც შეძლებენ ახალშობილების განკურნებას.

პაციენტის ვინაობა რომ არ გამჟღავნებულიყო, ექიმებმა არც სქესი დააკონკრეტეს და არც სახელი, მხოლოდ ის აღნიშნეს, რომ ჩვილი მისისიპის შტატში დაიბადა და იქვე ცხოვრობდა. მისისიპის უნივერსიტეტის სამედიცინო ცენტრის თანამშრომელმა, დოქტორმა ჰანა გეიმ, რომელიც ბავშვს მეთვალყურეობდა, ბრიტანულ გაზეთ The Guardian-ს განუცხადა, რომ ეს არის შიდსით დაავადებული ბავშვის განკურნების პირველი შემთხვევა. პაციენტი ჯანმრთელია და ტესტები ვირუსზე უარყოფით შედეგს აჩვენებს, თუმცა არის ალბათობა, რომ მცირეოდენი დოზა ჯერ კიდევ დარჩენილია ორგანიზმში.

„1 წლის განმავლობაში მას არანაირი წამალი არ მიუღია და სისხლი თავისუფალია ვირუსებისგან, როგორც აჩვენებს ამას ყველაზე მგრძნობიარე ტესტები”, განაცხადა ჰანა გეიმ. „ჩვენ ვიმედოვნებთ, რომ ამ ბავშვს ხანგრძლივი და ჯანმრთელი ცხოვრება ექნება, ხოლო ეს გამოცდილება მომავალში ანალოგიურ შემთხვევებში დაგვეხმარება”.

ახალი წამლებისა და მკურნალობის მეთოდების გამოგონებასთან ერთად შიდსით დაავადებული ბავშვების როდენობა განვითარებულ ქვეყნებში მნიშვნელოვნად მცირდება. შიდსით ინფიცირებულ ორსულ ქალებს ანტირეტროვირულ წამლებს აწვდიან, რათა სისხლში ვირუსის რაოდენობა შემცირდეს. ახალშობილებსაც მკურნალობის კურსებს უნიშნავენ, რათა დაავადების მიღების ალბათობა მინიმუმამდე დავიდეს. ამ სტრატეგიით დედიდან შვილზე შიდსის გადაცემის შემთხვევები 98%-ით მცირდება.

დიდ ბრიტანეთსა და ირლანდიაში დაახლოებით 1200 ბავშვია შიდსის ვირუსით ინფიცირებული. მათ ეს დაავადება მუცელში ყოფნისას, დაბადებისას ან რძით კვებისას გადაეცათ. რაც შეეხება განვითარებად ქვეყნებს, ვითარება გაცილებით რთულია. 2010 წლის მონაცემებით, სუბსაჰარულ აფრიკაში 14 წლამდე ასაკის 387,500 ბავშვი გადიოდა ანტირეტროვირულ მკურნალობას. მათი უმეტესობა ინფექციით დაიბადა. იმავე რეგიონში იგივე ასაკის 2 მილიონ ბავშვს სჭირდება წამლები.

რაც შეეხება მისისიპის შემთხვევას, დედამ არ იცოდა, რომ დაავადებული იყო, ამიტომ ბავშვის ინფიცირების ალბათობაც მკვეთრად მაღალი გახლდათ. ექიმებმა ბავშვის მკურნალობა დაბადებიდან 30 საათის შემდეგ დაიწყეს. ტრადიციულად ეს გულისხმობს თხევადი წამლის შპრიცით შეყვანას ორგანიზმში. მაგრამ ექიმებმა გადაწყვიტეს, მიემართათ უფრო აგრესიული მეთოდისთვის და გამოეყენებინათ 3 სხვადასხვა სახის წამალი, რადგან დედას ორსულობის დროს მკურნალობა არ ჰქონდა გავლილი. რამდენიმე დღის შემდეგ ტესტმა აჩვენა, რომ ბავშვი დაინფიცირებული იყო. ექიმებმა წამლების მიწოდება განაგრძეს და იმედი ჰქონდათ, რომ ეს შედეგს გამოიღებდა.

თერაპიის დაწყებიდან 1 თვეში შიდსის დონე იმდენად დავარდა, რომ ტრადიციული ტესტები ვირუსის აღმოჩენას ვერ ახერხებდნენ. დედა-შვილი რეგულარულად სტუმრობდა კლინიკას მომდევნო წელი, თუმცა შემდეგ თანდათან შეამცირეს ვიზიტები და ბოლოს საერთოდ შეწყვიტეს. 18 თვის ასაკიდან პაციენტს წამლები აღარ მიუღია და ექიმებს მხოლოდ 2 წლის ასაკში ეწვია.

„პაციენტი 5 თვე არ გვენახა”, ამბობს გეი. „23 თვის ბავშვი რომ მოიყვანეს, ვიფიქრე, რომ შიდსის დონე სერიოზულად იქნებოდა აწეული”. თუმცა რამდენიმე სხვადასხვა ტესტმა აჩვენა, რომ შედეგი უარყოფითი იყო, რამაც ექიმები განაცვიფრა. ყოველი შემთხვევისთვის ჩაატარეს უფრო მგრძნობიარე ტესტებიც, მაგრამ პასუხი აქაც იგივე აღმოჩნდა.

ექიმების ჯგუფი მიიჩნევს, რომ განკურნების მიზეზი იყო ე.წ. აგრესიული მეთოდი – რამდენიმე ძლიერმოქმედი წამლის (ტიპიური ნევირაპინი, ასევე ზიდოვუდინი და ლამივუდინი) ერთდროული მიწოდება და თერაპიის დაბადებიდან მალევე დაწყება. წამლებმა შეაჩერა ვირუსების გამრავლება აქტიურ იმუნურ უჯრედებში, ასევე სისხლის თეთრ უჯრედებში, სადაც შიდსის ვირუსი წლობით ინახება ხოლმე.

მიუხედავად ამ წარმატებისა, ჰანა გეი ყველას აფრთხილებს, რომ შიდსით დაავადებულებმა წამლების მიღება სიცოცხლის ბოლომდე უნდა განაგრძონ და მხოლოდ ამ შემთხვევის გამო არ შეწყვიტონ მიღება, რათა შემდეგ ნახონ, არის თუ რა ისევ ვირუსი მათ ორგანიზმში. მეცნიერები აღნიშნული შემთხვევის კვლევას აგრძელებენ, რათა წარმატების ზუსტი მიზეზები დაადგინონ.

შიდსისგან განკურნების კიდევ ერთი შემთხვევა წარსულშიც დაფიქსირდა – სან-ფრანცისკოელმა ტიმოთი რეი ბრაუნმა ძვლის ტვინი გადაინერგა დონორისგან, რომელსაც შიდსის წინააღმდეგ ძლიერი იმუნიტეტი ჰქონდა. მას შემდეგ 5 წელი გავიდა და ბრაუნს წამლის მიღება არ დასჭირვებია.

Advertisements

3 responses to “ამერიკელმა ექიმებმა შიდსით დაავადებული ბავშვი განკურნეს

  1. goga 04/03/2013, 8:42 PM

    ჯერ კიბოს წამალი და შემდეგ ეს დიდი პროგრესია

    Like

  2. natia121 05/03/2013, 1:08 PM

    ჩემი აზრით ის უკანასკნელი შემთხვევა რაც აღწერე უფრო იმედისმომცემია ვიდრე ამ ბავშვის განკურნება,. შავი ჭირის დრო T ლიმფოციტებში DELTA 32 მუტაცია მოხდა, რის შედეგადაც ადამიანები ვისაც შავი ჭირი ჰქონდათ გადატანმილი რეზისტენტულები აღმოჩნდნდენ შიდსის მიმართ, შესაბამისად მათი შთამომავლებიც, ანუ არის ადამინთა ისეთი პოპულაცია ვისაც შიდსი არ ემართება. სწორედ ასეთი ადამიანისგან მოხდა ბრაუნისთვის ღერო უჯრედების გადანერგვა ^^

    Like

  3. Aleksandre 23/03/2013, 3:02 AM

    Aleksandre Matiashvili Ise mand seizleba viral load davarda, mkurnalobis dros viral load aris udetectible da ubralod mizinebulia, remisiasia, tan yvela cd4-t limfocits ver naxavdnen, magas albat erti 10 weli mainc unda daelodon mkurnalobis garese da mere naxon aris tu ara HIV, didebis kargi mkurnalobis drosac ar xdeba deteqcia HIV-s sisxlsi, magram tu sewyvite mkurnaloba remisiis semdeg (rac 2-10 weli grzeldeba) isev gamodis virusi, tan ar dagvaviwydes rom HIV is replikacia xdeba misi DNA-is cvensasi sakerebit, anu virusi tu mospe (rasic am etapze ewvi mepareba), 1 weliwadsi (vinaidan bavsvs tandayolili HIV aqvs da 2 wlis tavze “mourcines”) is mainc cawerda tavis DNA-s CD4-T limpocitebsi da albat memory t cell-ebsac mosnad gadainaxavda

    Like

დატოვე კომენტარი

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s

%d bloggers like this: