ჩინელი კუნგ-ფუს ოსტატი. ბუდისტმა ბერმა და კუნგ-ფუს ოსტატმა ში დეიჯანმა თავის მოწაფეებთან ერთად მთაზე აზიდა ცემენტის ტომრები და სხვა საშენი მასალა, რათა აეგო თავშესაფარი ცივილიზაციისგან მოშორებით, ტურისტების თავშეყრის ადგილის – შაოლინის ტაძრისგან განცალკევებით.

ჰანგ ენის გამოქვაბული, ვიეტნამი. ვიეტნამში ჩასულ ტურისტებს მდინარე რაო თუონგთან ხვდებათ უზარმაზარი გამოქვაბული. ადიდების პერიოდში მდინარის დინება საკმაოდ წყალუხვია და ფარავს გამოქვაბულის ლოდებს.

პარიზის კატაკომბები. ქვიშის კამერები, რომლებსაც “პლაჟებს” უწოდებენ და კატაფილების მიერ იაპონურ, ჰოკუსაის სტილში მოხატული კედლები. ასეთ შრომას ასობით საათი და გულმოდგინე მუშაობა სჭირდება.

ჩაძირული გემი, ფლორიდა. მანათობელი ღრუბლებითა და მარჯნებით მორთული ამერიკული გემი Duane ბევრ თევზსა და მყვინთავს იზიდავს. გემი 1987 წელს ჩაიძირა ქეი ლარგოს მიდამოში 36 მეტრის სიღრმეზე.

სოფელი კოგერშინი, ყაზახეთი. სამხრეთ ყაზახეთის სოფელში ქალი წველის ფაშატს. არქეოლოგიურმა გამოკვლევებმა ცხადყო, რომ ევროპის სტეპებში მომთაბარე ბოტაის ხალხი პირველი იყო, ვინც აქტიურად იშინაურებდა ცხენებს ჯერ კიდევ 5500 წლის წინ.

მაჩუ პიკჩუ. პერუს ანდებში შემორჩენილი ერთ დროს დიდებული ქალაქის ნანგრევები, რომელიც გვაჩვენებს, როგორი დახელოვნებულნი იყვნენ ინკები მშენებლობაში – ზუსტად მოჭრილი ქვის ლოდები და ტერასების სრულყოფილი განლაგება.

ბრისტოლის სანაპირო, ალასკა. “ჩვენ გვიყვარს ჩვენი თევზები!” ამბობს ინა ბუკერი, ადგილობრივი მოსახლე იუპიკების ტომიდან, რომელიც მაღაროების გათხრებს ეწინააღმდეგება. “ორაგული ყოველთვის გარბის. მაგრამ თუკი საბინადრო არეალს შევუზღუდავთ, უკან აღარასდროს დაბრუნდებიან.”

10 000 კვამლის ხეობა, ალასკა. ხეობაში კანიონი ორადაა გაყოფილი და ამ ადგილას მდინარე მიედინება. უკანა ფონზე თოვლით დაფარული მწვერვალებია მთა გრიგსი და მთა კატმაი. ისინი 10 აქტიური ვულკანის სისტემის შემადგენელი ნაწილები არიან.

დიპროტოდონის ნაფეხურები, ავსტრალია. 2007 წელს ტბის სიახლოვეს ერთმა ფერმერმა მეცნიერებს საინტერესო აღმოჩენის შესახებ ამცნო: მიწაზე კარგად შემონახული ნაკვალევები იყო, რომელიც ეკუთვნოდა გადაშენებულ ცხოველს, დიპროტოდონს. მან ამ ადგილას დაახლოებით 100 000 წლის წინ გაიარა, ჯერ კიდევ მაშინ, როცა მეგაფაუნა უზარმაზარი ზომების იყო.

პაგოდას ტყე, ჩინეთი. შაოლინის ტაძრის სიახლოვეს მდებარე ქვის 231 პაგოდა, რომელთა შენება 791 წელს დაიწყო და 5 დინასტიის განმავლობაში გრძელდებოდა. მათ ძირში ბუდისტი ბერების სამარხებია, ხოლო ფენების რაოდენობა პაგოდაზე ბერის ღირსებას გამოხატავს.

 
 
______________
წინა ნაწილები:
იანვრის საუკეთესო 10 ფოტო
თებერვლის საუკეთესო 10 ფოტო