მრავალი საოცრების დანახვაა შესაძლებელი, თუკი პლანეტას ღამით გადაუფრენთ. ,,ნასამ” გაავრცელა ვიდეო, რომელშიც საერთაშორისო კოსმოსური სადგურიდან გადაღებული დედამიწა მოჩანს თავისი მშვენიერებით – ღამით ნარინჯისფრად განათებული ქალაქები, თეთრი ღრუბლები, ელვის ნათება, მუქი ზღვები, ჩრდილოეთის ციალი და ა.შ.

ფლორიდის შტატის ქალაქ მაიამის მაცხოვრებელი მიგელ ენდარა არაჩვეულებრივი ნებისყოფით გამოირჩევა – მამის პორტრეტი მან 3.2 მილიონი პატარა წერტილით შექმნა. ნახატის ზომებია 28 სმ X 43 სმ და მის შესაქმნელად მიგელმა დაახლოებით 1 წელი დახარჯა. ის იყენებდა Sakura Pigma Micron-ის კალამს, რომლის წვერიც მხოლოდ 0.2 მმ-ია. 210-მა საათმა და 3 213 000-მა წერტილმა თავისი შედეგი გამოიღო – მიგელის ვიდეოს ,,ვიმეოზე” 6 მილიონი ნახვა აქვს.

ჩრდილოეთის ციალი ნორვეგიაში, რომელიც გერმანელმა ტურისტმა ქრისტიან მულჰაუზერმა გადაიღო 2 კვირის წინ. ვიდეოში იხილავთ კადრებს რავნასტუადან, სკოგანვარიდან და ლაკსელვიდან. მულჰაუზერი ამ ყველაფერს იღებდა -25°C-ში, რის გამოც 1-2 საათში ლინზები იყინებოდა.

მექსიკის დედაქალაქ მეხიკოში სამედიცინო თანამშრომლებს ტრანსპლანტაციისთვის განკუთვნილი გული გადაჰქონდათ პოლიციის ვერტმფრენიდან საავადმყოფოში, მაგრამ სიჩქარეში ყუთი ამოუტრიალდათ და სასიცოცხლოდ მნიშვნელოვანი ორგანო ძირს დავარდა. საბედნიეროდ, როგორც ექიმებმა განაცხადეს, ამ ინციდენტს ოპერაციისთვის ხელი არ შეუშლია და პაციენტი ახალი გულით თავს კარგად გრძნობს.

რა შეგიძლიათ გააკეთოთ 360 საათში? ჩინურმა სამშენებლო კომპანია “Broad Group”-მა ზუსტად ამდენი მოანდომა 30 სართულიანი შენობის აგებას ჰუნანის პროვინციაში, დონგტინგის ტბის სიახლოვეს. სიჩქარის მიუხედავად, უსაფრთხოების ნორმები სრულადაა დაცული – სასტუმრო 9 ბალიან მიწისძვრას უძლებს.

17 ქვეყანა, 343 დღე და 6237 ფოტო – ეს ყველაფერი ერთ ვიდეოში

17 დეკემბერს გულის შეტევით გარდაიცვალა კორეის სახალხო-დემოკრატიული რესპუბლიკის ლიდერი კიმ ჩენ ირი. რიგითი მოქალაქეები ცხარე ცრემლებით გლოვობენ ამ ამბავს