Jeju Loveland – ეს არის ეროტიკული ხასიათის სკულპტურების პარკი სამხრეთ კორეაში, რომელიც ჯეჯუს კუნძულზე, ღია ცის ქვეშ მდებარეობს. ამ ტიპის პარკი არამარტო უცნაურია, არამედ უჩვეულოც კი, თუ გავითვალისწინებთ კორეელთა მოკრძალებულ და თავდაჭერილ ხასიათს.
კატეგორია: უცნაური
ტატუ, პირსინგი და იარები სხვადასხვა კულტურაში (National Geographic-ის ფოტოები)
ტატუ, პირსინგი და სხეულის მოხატვა ბევრ კულტურაში თამაშობდა მნიშვნელოვან როლს თავდაცვის, სხეულის გალამაზებისა და იდენტიფიკაციის საკითხში. ახალგაზრდა ტაილანდელი ბუდისტი ბერი ბასრი ღეროთი სვირინგს იკეთებს. მას სწამს, რომ ხმერის ენაზე დაწერილი ლოცვები დამცავი თილისმა იქნება.
ვულპიტის მწვანე ბავშვების ისტორია
ინგლისის ერთ-ერთ სოფელს, სახელად ვულპიტს, საინტერესო და უცნაური ისტორია უკავშირდება. გადმოცემის მიხედვით, მეფე სტეფანის (1135-1154) მეფობის დროს, XII საუკუნის ერთ ზაფხულს აქ ორი უცნაური ბავშვი – და და ძმა – იპოვეს. მუშები მინდორში მოსავალს იღებდნენ, როცა შემზარავი კივილი გაიგეს. ისინი ხმას მიყვნენ და მგლების დასაჭერად გაკეთებულ ორმოში ორი ბავშვი, გოგო და ბიჭი, აღმოაჩინეს. აღნაგობა მათ ჩვეულებრივი ადამიანისა ჰქონდათ, თუმცა ორივენი უცნაურ ენაზე ლაპარაკობდნენ. ტანსაცმელი ისეთი მასალის იყო, რაც მანამდე არავის ენახა და რაც ყველაზე მთავარია, ორივეს კანი მწვანე ფერის იყო.
ჩინელმა მოზარდმა iPad-ის სანაცვლოდ თირკმელი გაყიდა
როგორც ჩინური მედია იტყობინება, 17 წლის ჩინელმა ბიჭმა ინტერნეტით შავ ბაზარზე თავისი ერთ-ერთი თირკმელი გაყიდა, რათა iPad 2-ისთვის საჭირო თანხა ეშოვნა. ოპერაცია არალეგალურად ჩატარდა და აგენტებმა მას 22 000 იუანი ($3,400) გადაუხადეს. აღებული ფულით სტუდენტმა ლეპტოპიც შეიძინა. მისი ქმედებები მას შემდეგ გახდა ცნობილი, რაც დედამისმა შეამჩნია შენაძენი და შვილი იძულებით გამოტეხა.
პლაცებოს ეფექტი – განკურნება წამლის გარეშე
პლაცებო არის სამედიცინო დანიშნულების სიმულატორი, რომლის საშუალებითაც ექიმები ავადმყოფებს არწმუნებენ, რომ ის გამოჯანმრთელდება. პლაცებოთი მკურნალობის დროს ავადმყოფს აძლევენ რაიმე სახის აბს, აწვდიან არასწორ ინფორმაციას ან ატარებენ მასზე ცრუოპერაციას. ექიმი არწმუნებს, რომ ამ პროცედურის შემდეგ ის გამოჯანმრთელდება, მაგრამ უმალავს პლაცებოს ინერტულობის ფაქტს. ეს ქმედება საჭიროა იმისთვის, რომ პაციენტმა ირწმუნოს საკუთარი გამოჯანმრთელების შესახებ.
განაგრძე კითხვა
პრისცილა – მაიმუნი-გოგონა
პრისცილა ბეჯანო წვერებიანი ქალების ერთ-ერთი ცნობილი წარმომადგენელი იყო. სხვადასხვა დროს მან უამრავი მეტსახელი მიიღო, ყველაზე ხშირად კი უწოდებდნენ “პატარა თმიან გოგონას”, რომელიც მოგვიანებით გადააკეთეს და გახდა “მაიმუნი-გოგონა”.
პრისცილა დაიბადა 1911 წლის 26 აპრილს პუერტო რიკოს ქალაქ ბაიამონში. მას პატარაობიდანვე სჭირდა ჰიპერტრიქოზი (ჭარბთმიანობა კანის უბნებზე, რომლებზედაც ჩვეულებრივ თმა არ იზრდება), ასევე კბილები ორ რიგად ჰქონდა განლაგებული, რის გამოც უმალ მიიპყრო ცნობისმოყვარეებისა და ექიმების ყურადღება. პრისცილას მამა ჩვეულებრივი ესპანელი კაცი იყო და არ იცოდა, შვილისთვის რა მოეხერხებინა, ამიტომ აშშ-ში, ნიუ-იორკში გაემგზავრნენ. იმედი ჰქონდათ, რომ იქ კომპეტენტური ექიმებისგან მიიღებდნენ პასუხს.
ნიუ-იორკში პასუხების ძებნაში 7 თვე გაატარეს, შემდეგ კი პრისცილას მამას თავში აზრად მოუვიდა, შვილის სხეულით ფული ეშოვა. მაგრამ ინგლისურისა და ბიზნესის არასათანადო ცოდნის გამო საქმე ვერ ააწყო და დასახმარებლად მიმართა შოუმენ კარლ ლოთერს. ლოთერი რამდენიმე წარმატებულ შოუს მართავდა და გამოცდილი კაცი იყო. ის პრისცილათი დაინტერესდა და თავისთან აყვანა გადაწყვიტა. ასევე ეხმარებოდა ოჯახს ფინანსურადაც. მაგალითად, როცა პრისცილას დედა პუერტო რიკოში დაბრუნდა, ძიძა აუყვანა ბავშვს, მამის გარდაცვალების შემდეგ კი, მისი უკანასკნელი სურვილის თანახმად, გოგონა იშვილა.
რობერტ ჰადლსტონი – პონი-ბიჭი
წლების განმავლობაში უამრავ ქალაქსა თუ ქვეყანაში სალაპარაკო თემად ჰქონდათ რობერტ ჰადლსტონის შემთხვევა, ავრცელებდნენ მის სურათებს, სადაც უჩვეულო პოზაში იყო გადაღებული. სხვადასხვა ქვეყნებში ჩატარებული წარმოდგენების დროს მისი ნამდვილი სახელი და ისტორია ნელ-ნელა დავიწყებას მიეცა, თუმცა მოგვიანებით აღდგენა მოხერხდა.
რობერტი დაავადებული იყო “გენუ რეკურვატუმის”, იგივე “უკანა მუხლის დეფორმირების” მძიმე ფორმით. მას არ შეეძლო სწორად, ორ ფეხზე დგომა, ვერ ხმარობდა ყავარჯნებს, ასე რომ ცხოვრება და გადაადგილება ოთხზე უწევდა. თითქოს ეს საშინელი დეფექტი იყო, მაგრამ რობერტი არ შეეპუა და საკმაოდ აქტიურად ცხოვრობდა.
სუზი – გოგონა-სპილო
ამ დაავადებას იქთიოზისი ჰქვია და ბერძნული ιχθύς-იდან მოდის, რომელიც თევზს ნიშნავს. ადამიანს ამ დროს კანი უხეში და უცნაური ფორმის აქვს, ჩამოჰგავს ალიგატორისას. სუზის კანი ტლანქი და ნახეთქებიანი იყო, ამიტომაც შეადარეს სპილოსას და მიიღო მეტსახელი “გოგონა-სპილო”.
სუზი 1909 წელს დაიბადა დასავლეთ ბერლინში. ბავშვობაში ეს დაავადება სწრაფად განვითარდა და კანი ნაცრისფერი გაუხდა, შეუსქელდა და გაუუხეშდა. ამას თან ახლდა საშინელი ტკივილები მთელი დღის განმავლობაში, რომელსაც გოგონა გმირულად უძლებდა. შემდგომში რამდენიმე ინფექციამ კიდევ უფრო გაურთულა მდგომარეობა და აუტანელი გახადა. ყველაზე მსუბუქი და ფაქიზი მოძრაობების დროსაც კი ტკივილსა და წვას გრძნობდა. ადრეულ წლებში თვალების ნორმალურად დახამხამებასაც კი ვერ ახერხებდა, რადგან კანი სკდომას იწყებდა.
ალი და ჯინი – ყველაზე უჩვეულო წყვილი
აურელიო ტომაინი 1912 წელს დაიბადა ნიუ ჯერსიში. მას 6 და-ძმა ჰყავდა. 12 წლის ასაკში სიმაღლით მამას გადაასწრო, იმის მიუხედავად რომ ეს უკანასკნელი საკმაოდ მსხვილი აღნაგობისა იყო და 6 ფუტს (182 სმ) სცდებოდა. მისი მშობლები ჩვეულებრივი სიმაღლისანი იყვნენ, მსგავსი დარღვევით მხოლოდ მისი დიდი ბაბუა გამოირჩეოდა. ექიმმა X სხივების საშუალებით გამოიკვლია ალი და აღმოჩნდა, რომ მას ზეაქტიური ჰიპოფიზის ჯირკვალი ჰქონდა, რის გამოც მალე 2 მეტრს გადააჭარბა.
ალმა გადაწყვიტა, თავისი მონაცემებით ფული ეშოვა და წარმოდგენები მოეწყო ხოლმე. საკუთარ თავს ის უწოდებდა “მსოფლიოში ყველაზე მაღალ ადამიანს” და აცხადებდა, რომ 2 მეტრისა და 55 სმ სიმაღლის იყო (თუმცა გინესში შედარებით დაბალი მაჩვენებელი წერია). იწონიდა 160 კგ-ზე მეტს და ატარებდა 60 ზომაზე დიდ ფეხსაცმელებს. გასაოცარია, მაგრამ ასეთი მონაცემების მქონე სხვა ადამიანებისგან განსხვავებით, ალი საკმაოდ ჭკვიანი და სასიამოვნო ადამიანი იყო, ასევე გამოირჩეოდა მორცხვობით, ზრდილობითა და თავაზიანობით როგორც ახლობლებთან, ისე უცნობებთან.
ინტერნეტ-მითი: აჩენენ თუ არა სუში და საშიმი ტვინში ჭიებს? [+15]
ამ უწყინარ და სასარგებლო იაპონურ კერძებს რამდენიმე წლის წინ “ბრალი დასდეს”, რომ თითქოს შესაძლებელია მათმა ჭამამ თავში, ტვინის მიდამოებში ჭიების გაჩენა გამოიწვიოს. ინტერნეტში სწრაფად გავრცელდა ფოტოები, სადაც ერთი იაპონელი მამაკაცის ტვინი მოჩანდა, იქ კი ჭიები დაფუთფუთობდნენ.
განაგრძე კითხვა
ჩრდილოეთის ციალი 