13 სექტემბერს გამოქვეყნდა წიგნების სამყაროში ერთ-ერთი მთავარი ბესტსელერის – გინესის რეკორდების – 57-ე გამოცემა. გთავაზობთ ახალი ჩემპიონების ყველაზე უჩვეულო (და ზოგჯერ სულელურ) რეკორდებს.
ჭდე: რეკორდი
„ცერნის” მეცნიერებმა ყველაზე მაღალი ტემპერატურა მიიღეს
როგორც ერთ-ერთ პოსტში გამცნეთ, ნიუ-იორკის ბრუკჰეივენის ეროვნულ ლაბორატორიაში მეცნიერებმა რეკორდი მოხსნეს და შექმნეს ყველაზე მაღალი ტემპერატურა, რაც კი ოდესმე ყოფილა დედამიწაზე – 4 ტრილიონი გრადუსი ცელსიუსით. თუმცა იქვე აღნიშნული იყო, რომ შვეიცარიაში მოღვაწე „ცერნის” ფიზიკოსები ამ შედეგის გაუმჯობესებას აპირებდნენ. ეს დღეც დადგა და ოფიციალურად გამოცხადდა, რომ ადამიანის მიერ შექმნილი ყველაზე მაღალი ტემპერატურა უკვე 5.5 ტრილიონ გრადუსს აღწევს.
ავაზამ სიჩქარის რეკორდი კიდევ ერთხელ მოხსნა
ავაზამ, სახელად სარამ, რეკორდი დაამყარა 100 მეტრიან მანძილზე სირბილში და 5.95 წამი აჩვენა, რის ფონზეც „სამარცხვინოდ” ჩანს იამაიკელი სპრინტერის უსაინ ბოლტის 9.58 წამიანი მონაცემი.
11 წლის ავაზა ოჰაიოს შტატში მდებარე ცინცინატის ზოოპარკის მკვიდრია. სპეციალურად მოწყობილ სარბენ მდელოზე მან მაქსიმალური 100 კმ/სთ სიჩქარე დააფიქსირა, გვამცნობს ზოოპარკის წარმომადგენლობისა და National Geographic-ის ჟურნალის მიერ შედგენილი ერთობლივი მოხსენება, რომელიც ხუთშაბათს (2 აგვისტო) გავრცელდა. National Geographic-ი სარასა და სხვა ავაზებს ფოტოებს უღებდა ნოემბრის ნომრისთვის, სადაც სიჩქარის უპრეცედენტო მაჩვენებლებზე იქნება საუბარი.
მეცნიერებმა დიდი აფეთქების შემდეგ ყველაზე მაღალი ტემპერატურა შექმნეს
მეცნიერებმა რეკორდი მოხსნეს და გასაოცრად მაღალი ტემპერატურა მიიღეს, ყველაზე მაღალი, რაც კი ოდესმე ყოფილა დედამიწაზე – 4 ტრილიონი გრადუსი ცელსიუსით. გინესის რეკორდების წიგნის წარმომადგენლებმა ეს მოვლენა უკვე დააფიქსირეს. მაჩვენებელი 250 000-ჯერ აღემატება მზის ცენტრის ტემპერატურას და მასზე მაღალი მხოლოდ დიდი აფეთქებიდან უმოკლეს პერიოდში არსებობდა.
National Geographic: რეკორდსმენი ცხოველები
აფრიკული სპილო. ათასწლეულების მანძილზე ადამიანი იყენებდა აზიური და აფრიკული სპილოების არაჩვეულებრივ ძალას თითქმის ყველაფერში, დაწყებული ომიდან და დამთავრებული ტრანსპორტირებით. აფრიკულ სპილოს მხოლოდ ხორთუმში 100 000 კუნთი აქვს და 270 კგ-მდე წონის ტვირთის აწევა შეუძლია.
უდიდესი გველი, სახელად მედუზა
ის 130 კგ-ზე მეტს იწონის, სიგრძეში 7.6 მეტრია და ასაწევად 15 ადამიანია საჭირო. მასიური პითონი, რომლის ნახვის საშუალებაც მსურველებს ქალაქ კანზასში ექნებათ, კვირაში ერთხელ სადილობს და დაახლოებით 20 კგ ხორცს მიირთმევს. თუმცა ამაზე ორჯერ მძიმე ცხოველის შეჭმაც თავისუფლად შეუძლია. მედუზას მალე ესტუმრებიან გინესის რეკორდების წიგნის წარმომადგენლები, რათა ოფიციალურად დადასტურდეს, რომ ესაა ყველაზე დიდი გველი, რომელსაც ტყვეობაში უცხოვრია. პითონის მწვრთნელმა, ლარი ედგარმა ის ჯერ კიდევ მაშინ შეიძინა, როცა ძალიან პატარა იყო – დაახლოებით 60 სმ სიგრძის და მას შემდეგ 7 წელია, უვლის.
2012 წლის გინესის რეკორდები
2012 წლის რეკორდები – ყველაზე დიდი, სწრაფი, უცნაური და უბრალოდ გამორჩეული რეკორდსმენები, რომლებმაც დაიმსახურეს გინესის წიგნში შესვლა.
ყველაზე გრძელი ფრჩხილები
ლი რედმონი, ქალბატონი იუტას შტატიდან, 1979 წლის შემდეგ იზრდიდა და სათუთად უვლიდა ფრჩხილებს, რომელთა საერთო სიგრძე 8 მეტრსა და 65 სმ-ს აღწევდა. ამ შედეგის გამო ის გინესის რეკორდების წიგნშიც მოხვდა. სამწუხაროდ, 2009 წლის თებერვალში ლი ავარიაში მოყვა და ფრჩხილები დაკარგა.
MABEL – ყველაზე სწრაფი ორფეხა რობოტი
მეცნიერებმა შექმნეს რობოტი, სახელად MABEL, რომელიც სირბილისას 11 კმ/სთ სიჩქარეს ავითარებს. ორფეხიან მანქანებში ეს მაჩვენებელი რეკორდია.
სამმაგი ბრუნი – ახალი რეკორდი BMX-ში
24 წლის ჯედ მილდონმა ახალი ზელანდიიდან რეკორდი დაამყარა – მან სამმაგი უკანა ფლიპი შეასრულა. ტრიუკს თვალს ადევნებდნენ როგორც მისი მეგობრები და გულშემატკივრები, ისე გინესის წარმომადგენლები, ჯამში 2000 კაცამდე.
ჩრდილოეთის ციალი 