ნაწყვეტი National Geographic-ის დოკუმენტური ფილმიდან “Hornets From Hell” გიჩვენებთ უნიკალურ შემთხვევას, როცა სულ რაღაც 30-მა აზიურმა კრაზანამ 3 საათში დახოცა 30 000 ევროპული ფუტკარი.

ასეთი მასიური სისხლისღვრის მიზეზი ისაა, რომ ეს ორი სახეობა განსხვავებულ რეგიონებში ბინადრობს, ამიტომ ფუტკრებს კრაზანების წინააღმდეგ არანაირი დამცავი საშუალება არ ჰქონდათ. აზიაში მობინადრე მათი თანამოძმეები კი, როგორც წესი, სათითაოდ შემოერტყმებიან ხოლმე გარს დაუპატიჟებელ სტუმრებს და ფრთების მოძრაობიდან გამოწვეული სიმხურვალით ხოცავენ.

აზიურ კრაზანებს ლათინურად Vespa velutina ეწოდებათ და ევროპას 2004 წელს შეესივნენ. სავარაუდოდ ისინი ტრანსპორტირების გზით მოხვდნენ ჩინეთიდან საფრანგეთში. ევროპულ ფუტკრებს ზომაში 4-ჯერ აღემატებიან და მათი ნესტრისგან გამოწვეულ ტკივილს ცხელი ლურსმნის უროთი ჩაჭედებას ადარებენ ხოლმე. შეუძლიათ განავითარონ 40 კმ/სთ და ეს მონაცემი 100 კმ-ის მანძილზე შეინარჩუნონ (რეკორდსმენ უსაინ ბოლტის მაჩვენებელია 45 კმ/სთ 100 მეტრზე).